දිල්ලි පිල දෙවැනි ජය ලබයි

ඉන්දීය ප‍්‍රිමියර් ලීග් (අයි.පී.එල්.) විස්සයි20 ක‍්‍රිකට් තරගාවලියේ 13 වැනි තරගය ලෙස දිල්ලි ඩෙයාර්ඩෙවිල්ස් පිල සහ සන්රයිසස් හයිද්‍රාබාද් පිල අතර විසාකාපට්ටම්හිදී අද (18) පැවැති දිනයේ පළමු තරගයෙන් දිල්ලි පිල ලකුණු 4 ක තියුණු ජය ලැබීය.

දිල්ලි පිල මේ වන විට තරග හතරකට සහභාගි වී ජයග‍්‍රහණ දෙකක් ජය ලබා සිටියි. ජයග‍්‍රහණය සදහා ලකුණු 168 ක ඉලක්කය හඹාගිය හයිද්‍රාබාද් පිලට  ඕවර 20 අවසානයේ කඩුලූ 8 ක් දැවී ලබාගත හැකි වූයේ ලකුණු 163 ක් පමණි.   ජේ. පී. ඩුමිනි දක්‍ෂ පන්දු යැවීමක නිරත වෙමින් ලකුණු 17 කට කඩුලූ 4 ක් දවා ගැනීමට සමත් විය.

දිල්ලි පිල නියෝජනය කරන ශ‍්‍රී ලංකා පිලේ නායක ඇන්ජලෝ මැතිව්ස්  ඕවර හතරේදී ලකුණු 38 ට ලෝකේෂ් රහුල් දවා ගත්තේය. ඇන්ජලෝ මැතිව්ස් පන්දු 11 කදී හයේ පහරක් සමගින් නොදැවී ලකුණු 15 ක් රැස්කිරීමට ද සමත් විය.

ඉන්දීය යොවුන් පිතිකරු ශරියාස් අයියර් පන්දු 40 කදී හතරේ පහර 3 ක් සහ හයේ පහර 5 ක් සමගින් ලකුණු 60 ක් රැස්කරමින් දිල්ලි පිලේ වැඩිම ලකුණු ලාභියා බවට පත්විය.

නායක ජේ. පී. ඩුමිනි පන්දු 41 කදී හතරේ පහර 5 ක් සහ හයේ පහර 2 ක් සමගින් ලකුණු 54 ක් රැස් කළේය.

දිල්ලි පිලේ නායක ජේ. පී. ඩුමිනි කාසියේ වාසිය ලබා පළමුව පන්දුවට පහර දීමට තීරණය කළේය.

දිල්ලි ඩෙයාර්ඩෙවිල්ස් පිල  ඕවර 20 කදී කඩුලූ 4 ට 167
(ශරියාස් අයියර් 60, ජේ. පී. ඩුමිනි 54, ඇන්ජලෝ මැතිව්ස් නොදැවී 15, කිදාර් යාදේව් නොදැවී 19)

සන්රයිසස් හයිද්‍රාබාද් පිල  ඕවර 20 කදී කඩුලූ 8 ට 163
(ඬේවිඞ් වෝනර් 28, ශීකර් ධවාන් 18, රවී බොපරා 41, ලෝකේෂ් රාහුල් 24, අෂිෂ් රෙඞ්ලි 15, කරන් ශර්මා 19, ජේ. පී. ඩුමින් 17/4)

- 048