අබුඩාබිහිදී පැවැති කාන්තා විස්සයි-20 ලෝක කුසලාන ක්‍රිකට් තරගාවලියේ සුදුසුකම් ලැබීමේ තරගයකදී තායිලන්ත කාන්තා කණ්ඩායමට එරෙහිව ලකුණු 67 ක ජයක් වාර්තා කිරීමට ශ්‍රී ලාකා ක්‍රීඩිකාවෝ අද (25 වැනිදා) සමත් වූහ.
ජයග්‍රහණය සඳහා ලකුණු 123 ක ඉලක්කයක් හඹාගිය තායිලන්තය ක්‍රීඩිකාවන්ට ශ්‍රී ලංකා පන්දු යවන්නියන්ගේ දක්ෂ පන්දු යැවීම හමුවේ ඕවර 16.2 ක් අවසන් වන විට සියලු දෙනා දැවී ලබාගත හැකි වූයේ ලකුණු 55 ක් පමණි.
සිය ඕවර 4 ලකුණු 14 කට සීමා කරමින් කඩුලු 3 ක් දවාගත් ඉනෝෂි ප්‍රියදර්ෂනී තරගයේ දක්ෂතම ක්‍රීඩිකාව බවට පත්වූවාය. උදේෂිකා ප්‍රබෝධනී නිලකුණු ඕවරයක් සමග ඕවර 3 ක් යවා ලකුණු 10 කට කඩුලු 2 ක් දවාගනිමින් ඉනෝෂිට අනගි සහායක් දුන්නාය.
කාසියේ වාසිය දිනා පළමුවෙන් පන්දුවට පහරදුන් ශ්‍රී ලංකා කාන්තා කණ්ඩායම ඕවර 20 අවසානයේ කඩුලු 5 ක් දැවී ලකුණු 122 ක් ලබාගත් අතර එහිදී හෂිනි පෙරේරා හතරේ පහර 5 ක් සමග පන්දු 32 කින් ලකුණු 29 ක්ද, නිලක්ෂි සිල්වා හතරේ පහර 3 ක් සමග පන්දු 20 කින් නොදැවී ලකුණු 29 ක්ද රැස්කළහ.
ශ්‍රී ලංකා කාන්තා පිල - ඕවර 20 කදී කඩුලු 5 ක් දැවී 122
(චමරි අතපත්තු 16, හෂිනි පෙරේරා 29, නිලක්ෂි සිල්වා නොදැවී 29)
තායිලන්ත කාන්තා පිල - ඕවර 16.2 කදී සියලු දෙනා දැවී 55
(නන්නපට් කොන්චරොඑන්කායි 18, ඉනෝෂි ප්‍රියදර්ෂනී 14/3, උදේෂිකා ප්‍රබෝධනී 10/2)
-036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
