Last Update  :  2025-04-02 12:40:00 About Contact
Follow Us -
IMG-LOGO
නිවස්න පිටුව Top story ප්‍රින්ටර්ස් සික්සස් තරගවලිය 29 දා එන්.සී.සී. පිටියේදී

ප්‍රින්ටර්ස් සික්සස් තරගවලිය 29 දා එන්.සී.සී. පිටියේදී

editorial - 2025 මාර් මස 20 {{hitsCtrl.values.hits}} Views 0 Comment
A A A

ශ්‍රී ලංකා මුද්‍රණකරුවන්ගේ සංගමය විසින් 12 වැනි වරටත් සංවිධානය කරනු ලබන ප්‍රින්ටර්ස් සික්සස්’ සය සාමාජික ක්‍රිකට් තරගාවලිය මේ මස 29 වැනිදා කොළඹ එන්.සී.සී. ක්‍රීඩාංගණයේදී පැවැත්වෙයි. මෙවර තරගාවලියට කණ්ඩායම් 64 ක් ඉදිරිපත්ව සිටින අතර ඒවායින් කණ්ඩායම් 10 ක් කාන්තා කණ්ඩායම් වෙයි. 

විජය පුවත් පත් සමාගම නියෝජනය කරමින් කණ්ඩායම් 3 ක් මෙම තරගාවලියට ඉදිරිපත්ව සිටී. 

තරගාවලිය 29 වැනිදා පෙරවරු 7.00 ට ආරම්භ වන අතර එදින සන්ධ්‍යාව වන තුරුත් තරගාවලිය පැවැත්වේ. තරගාවලිය පැවැත්වෙන අතරතුරදීම එන්.සී.සී. පිටිය සැණකෙළියක සිරිගන්වා තිබේ. 

පිරිමි තරගාවලියට ඉදිරිපත්ව සිටින කණ්ඩායම් 54 කාණ්ඩ හතරකට වෙන් කරමින් මූලික වටයේ තරග පැවැත්වෙයි. මූලික වටයේ තරග වලදී හොඳින් ක්‍රීඩා කරමින් දස්කම් දක්වන කණ්ඩායම් පිළිමළුන් පිටුදැකීමේ වටයට සුදුසුකම් ලබාගනු ඇත. 

ශ්‍රී ලංකාවේ මුද්‍රණ ක්ෂේත්‍රයට සම්බන්ධ ප්‍රධාන පෙළේ සමාගම් වල සේවක සේවිකාවන්ට සිය ක්‍රිකට් දස්කම් විදහා පෙන්වීමට අවස්ථාව සලස්වමින්, එම සාමාගම්වල සේවක සේවිකාවන් අතර අනෝන්‍ය සුහදතාව වර්ධනය කිරීම සඳහා 12 වැනි වරටත් මෙම තරගාවලිය සංවිධානය කෙරේ. 

ඇඩ්වාන්ස් ප්‍රින්ටිං ටෙක්නොලොජීස්, ඇඩ්වාන්ස් ඩිජිටල් ග්‍රැෆික්ස්, ෆුජි ෆිල්ම්, කලර්ක්‍රෝමා, ෆ්ලෙක්ස්ප්‍රින්ට් පුද්ගලික සමාගම සහ ජේ.ඩී.සී. ප්‍රින්ටිං ටෙක්නොලොජිස් තරගාවලියේ ප්‍රධාන අනුග්‍රාහකයෝ ලෙසින් ඉදිරිපත්ව සිටිති. ජේ.එෆ්. ඇන්ඩ් අයි. පැකේජිං සමාගම සහ සවින්ද ප්‍රින්ටිං ඇන්ඩ් පැකේජිං තරගාවලියේ සම අනුග්‍රාහකයෝ ලෙසින් ඉදිරිපත්ව සිටිති. 

(ඡායාරූප - ජයමාල් චන්ද්‍රසිරි)


අදහස් (0)

ප්‍රින්ටර්ස් සික්සස් තරගවලිය 29 දා එන්.සී.සී. පිටියේදී

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.