Last Update  :  2025-04-05 08:00:00 About Contact
Follow Us -
IMG-LOGO
නිවස්න පිටුව Top story පාපන්දු රන් පදක්කම බ්‍රසීලයට

පාපන්දු රන් පදක්කම බ්‍රසීලයට

editorial - 2021 අගෝ මස 08 {{hitsCtrl.values.hits}} Views 0 Comment
A A A

පාපන්දු ක්‍රීඩාවේදී කවදත් ජයකෙහෙළි නංවන බ්‍රසීලය විසින් ටෝකියෝ ඔලිම්පික් උළෙලේ පාපන්දු (පිරිමි) ඉසව්වේ රන් පදක්කම දිනාගන්නා ලදි. සෙනසුරාදා පැවැති අවසන් මහ තරගයේදී ගෝල 2-1 ක් ලෙස ස්පාඤ්ඤය පරාජය කරමින් බ්‍රසීලය එම රන් පදක්කමට හිමිකම් කීවේය.

තරගයේ 45 වැනි විනාඩියේදී ඇල්වේස් ද සිල්වාගේ සහයෝගයෙන් ගෝලයක් ලබාගත් සැන්ටොස් කානිරෝ ද චුන්හා පළමු අර්ධය නිමාවට පත්වන විට ගෝල 1-0 ක් ලෙස බ්‍රසීලය පෙරමුණට ගෙන ආවේය.

කෙසේ වුවත් දෙවැනි අර්ධය ආරම්භ වී විනාඩි 16 ක් ගතවන විට එනම් 61 වැනි විනාඩියේදී කාර්ලෝස් සෝලර්ගේ සහයෝගයෙන් ගෝලයක් ලබාගත් මයිකල් ඔයර්සබල් තරගය ගෝල 1-1 ක් ලෙස සම තත්ත්වයට පත් කළේය.

දඬුවම් පහර ක්‍රියාත්මක කිරී‍මට පෙර ලබා දුන් දෙවැනි අතිරේක කාලයේදී (108 වැනි විනාඩියේදී) ඩොස් සැන්ටොස්ගේ සහයෝගයෙන් තරගයේ ජයග්‍රාහී ගෝලය වාර්තා කළ මැල්කම් පිලිප්, බ්‍රසීලයට ගෝල 2-1 ක ජයක් අත්කර දුන්නේය.  

පළමු අවසන් පූර්ව තරගයේදී දඬුවම් පහර 4-1 ක් ලෙස මෙක්සිකෝව පරාජය කරමින් බ්‍රසීලය අවසන් තරගයට සුදුසුකම් ලැබූ අතර ස්පාඤ්ඤය ඊ‍ට සුදුසුකම් ලැබූවේ දෙවැනි අවසන් පූර්ව තර‍ගයේ අතිරේක කාලයේදී ගෝල 1-0 ලෙස ජපානය පරාජය කරමිනි.

අවසන් පූර්ව වටයේදී පරාජයට පත්වූ මෙක්සිකෝව සහ ජපානය අතර තෙවැනි ස්ථාන‍ය වෙනුවෙන් පැවැති තරගය ගෝල 3-1 ක් ලෙස ජයගත් මෙක්සිකෝව එම ඉසව්වේ ලෝකඩ පදක්කමට හිමිකම් කීවේය.

-036


අදහස් (0)

පාපන්දු රන් පදක්කම බ්‍රසීලයට

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.