එංගලන්ත සංචාරයේදී ශ්‍රී ලංකා කණ්ඩායම සහභාගි වන එකම පුහුණු තරගය සඳහා එංගලන්ත ‘ලයන්ස්’ කණ්ඩායම නම්කර තිබේ. සංචාරක ශ්‍රී ලංකා කණ්ඩායම සහ එංගලන්ත ලයන්ස් කණ්ඩායම අතර පැවැත්වෙන සිව්දින තරගය මේ මස 14 වැනිදා සිට 17 දක්වා වූස්ටර්ෂයර ප්‍රාන්ත ක්‍රීඩාංගණයේදී පැවැත්වෙයි.
කේසි ඕල්ඞ්ඩි්‍රජ්, ලින්ඩන් ජේම්ස්, ඔලී ප්‍රයිස් සහ ජේම්ස් රිව් යන සිව්දෙනා පසුගිය සිසිරයේදී එංගලන්තය නියෝජනය කළ ‘ලයන්ස්’ (එංගලන්ත ඒ) කණ්ඩායමෙන් ශ්‍රී ලංකා පිල හමුවට එති. එංගලන්ත 19 න් පහළ කණ්ඩායම නියෝජනය කළ ෆර්හාන් අහමඞ්, එඩී ජැක්, බෙන් මැකිනි සහ හම්සා ෂෙයික් එංගලන්ත ලයන්ස් පිලට කැඳවා තිබේ. මේ සිව් දෙනාම පසුගියදා එංගලන්තයේදී සංචාරය කළ ශ්‍රී ලංකා 19 න් පහළ කණ්ඩායමට එරෙහිව තරග කළහ.
එංගලන්ත ලයන්ස් කණ්ඩායමේ ප්‍රධාන පුහුණුකරු මයික් යාඩිගේ අදහස වන්නේ ශ්‍රී ලංකාව වැනි අන්තර්ජාතික කණ්ඩායමක් හමුවේ ක්‍රීඩා කිරීමට අවස්ථාව දීමෙන් එංගලන්තයේ සිටින තරුණ ක්‍රීඩකයන්ගේ තරම මැනගැනීමට හොඳ අවස්ථාවක් ලැබෙන බවයි
එංගලන්ත ‘ඒ’ සංචිතය
ෆර්හාන් අහම්ඞ්, සමාන් අක්තාර්, කේසි ඕල්ඞ්ඩි්‍රජ්, ලින්ඩන් ජේම්ස්, ඔලී ප්‍රයිස්, ජේම්ස් රිව්, එඩී ජැක්, බෙන් මැකිනි, හම්සා ෂෙයික්, ජොස් හල්, අජීත් සිං ඬේල් සහ රොබ් යේට්ස්
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
