කොළඹ රීඩ් මාවත ක්‍රීඩා සංකීර්ණයේදී පැවැත්වෙන අගමැති මහින්ද රාජපක්ෂ කුසලාන සිව් කොන් පාපන්දු තරගාවලියේදී බංග්ලාදේශය හා සීෂෙල්ස් රාජ්‍ය අතර අද පැවැති තරගය ගෝල 1-1කට සම විය.
බංග්ලාදේශය 17 වැනි විනාඩියේදී ගෝලයක් වාර්තා කරමින් මෙම තරගයේ පළමු භාගයේදී 1-0 ක් ලෙසින් පෙරමුණ ගෙන සිටියේය. තරගයේ 88 වැනි විනාඩියේදී සීෂෙල්ස් කණ්ඩායම ගෝලයක් වාර්තා කිරීමත් සමඟ තරගය සම විය.
සංශෝධිත තරග කාල සටහනට අනුව බංග්ලාදේශය හා මාලදිවයින අතර තරගය සෙනසුරාදා පස්වරු 4.00 ටත් ශ්‍රී ලංකාව හා සීෂෙල්ස් අතර තරගය සෙනසුරාදා (13 වැනිදා) රාත්‍රී 9.00 ටත් රීඩ් මාවත ක්‍රීඩා සංකීර්ණයේදී පැවැත්වීමට නියමිතය.
(ඡායාරූප - පාපන්දු සම්මේලනය අනුග්‍රහයෙනි)
- 223
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
