Last Update  :  2025-04-05 19:07:00 About Contact
Follow Us -
IMG-LOGO
නිවස්න පිටුව Top story බ්‍රසීල - ඉක්වදෝර තරගය සමවෙයි

බ්‍රසීල - ඉක්වදෝර තරගය සමවෙයි

editorial - 2021 ජුනි මස 28 {{hitsCtrl.values.hits}} Views 0 Comment
A A A

දකුණු ඇමරිකානු පාපන්දු තරගාවලියේ අද (28 වැනිදා) පැවැති තරගයකදී ඉක්වදෝරය සමග ගෝල 1-1 ක් ලෙස සම වීමත් සමග බ්‍රසීලයේ ජයග්‍රාහී ගමන් මඟ නිමාවට පත්විය. මෙම තරගයට පෙර බ්‍රසීල කණ්ඩායම පිට පිටම ජාත්‍යන්තර තරග 10 ක් ජයගෙන සිටි අතර ඊට මෙවර දකුණු ඇමරිකානු පාපන්දු තරගාවලියේ තරග 3 ක්ද ඇතුළත් විය.

තරගයේ 37 වැනි විනාඩියේදී එවර්ටන් සෝරස්ගේ පන්දු යොමු කිරීමකින් තමා වෙත පැමිණි පන්දුව හිසින් දැල තුළට යොමු කළ ඊඩර් මිලිටාවෝ පළමු අර්ධය නිමාවන විට ගෝල 1-0 ක් ලෙස බ්‍රසීලය පෙරමුණට ගෙන ආවේය. එය මිලිටාවෝලේ පළමු ජාත්‍යන්තර ගෝලය ලෙසද සටහන් විය.

කෙසේ වුවත් දෙවැනි අර්ධය ආරම්භ වී විනාඩි 8 ක් ගතවන විය (53 වැනි විනාඩියේදී) එනර් වැලෙන්සියාගේ සහයෝගයෙන් ඉක්වදෝරය වෙනුවෙන් ගෝලයක් ලබාගත් ඒන්ජල් මේනා තරගය ගෝල 1-1 ක් ලෙස සම තත්ත්වයට පත්කළේය. මේනා මෙම තරගයට එක් වූයේ පළමු අර්ධය තුළදී ආබාධයකට ලක්වූ මොයිසස් කයිසෙඩෝගේ ආදේශකයා ලෙසිනි.  

මෙම තරගය ජය පැරදුමෙන් තොරව අවසන් වුවද, ‘බී’ කාණ්ඩයේ පෙරමුණ ගනිමින් අර්ධ අවසන් පූර්ව වටයට සුදුසුකම් ලබාගැනීමට බ්‍රසීලයට හැකි වූ අතර එහිදී ඔවුන් ‍‘ඒ’ කාණ්ඩයේ සිවුවැනි ස්ථානයට පත්වන කණ්ඩයමට එරෙහිව ජූලි මස 3 වැනිදා තරග බිමට පිවිසීමට නියමිතය.

මෙම තරගයේදී ප්‍රබල බ්‍රසීලය සමග සම වූ ඉක්වදෝරය ‘බී’ කාණ්ඩයේ සිවුවැනියා ලෙසින් අර්ධ අවසන් පූර්ව වටයට සුදුසුකම් ලබාගත් අතර එහිදී ඔවුන්ට ‘ඒ’ කාණ්ඩයේ ශූරයන් බවට පත්වන කණ්ඩායමට එරෙහිව ජූලි මස 4 වැනිදා තරග වැදීමට සිදුවනු ඇත.

තරගාවලියේ මූලික වටයේ තවත් තරග දෙකක් ‘ඒ’ කාණ්ඩය යටතේ හෙට (29 වැනිදා) පැවැත්වෙන අතර එහිදී ආර්ජන්ටිනාවට එරෙහිව බොලීවියාවද, උරුගුවේට එරෙහිව පැරගුවේද තරග වැදීමට නියමිතය. එම තරග‍ දෙකෙහි ප්‍රතිඵලවලට අනුව ‘ඒ’ කාණ්ඩයෙන් අවසන් පූර්ව වටයට පිවිසෙන කණ්ඩායම්වල අනුපිළිවෙල සකස් වනු ඇත.

 

-036


අදහස් (0)

බ්‍රසීල - ඉක්වදෝර තරගය සමවෙයි

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.