ටෝකියෝ ඔලිම්පික් උළෙලේ පාපන්දු අවසන් පූර්ව වටයට සුදුසුකම් ලබාගැනීමට මෙක්සිකෝව, බ්‍රසීලය, ජපානය සහ ස්පාඤ්ඤය සමත්ව සිටිති. අනිද්දා (3 වැනිදා) පැවැත්වෙන අවසන් පූර්ව තරගවලදී මෙක්සිකෝවට එරෙහිව බ්‍රසීලයත්, ජපානයට එරෙහිව ස්පාඤ්ඤයත් තරග බිමට පිවිසීමට නියමිතය.
අවසන් පූර්ව තරග දෙකෙන් පරාජයට පත්වන කණ්ඩායම් දෙක ලෝකඩ පදක්කම වෙනුවෙන් ලබන 6 වැනිදා තරග වදින අතර එම තරගවලදී ජය ලබන කණ්ඩායම් දෙක රන් සහ රිදී පදක්කම් වෙනුවෙන් 7 වැනිදා තරග වදිනු ඇත.
අර්ධ අවසන් පූර්ව වටයේදී ගෝල 6-3 ක් ලෙස දකුණු කොරියාව පරාජය කරමින් මෙක්සිකෝවද, ගෝල 1-0 ක් ලෙස ඊජීප්තුව පරාජය කරමින් බ්‍රසීලයද අවසන් පූර්ව වටයට සුදුසුකම් ලබාගත්හ.
ජපානය සහ ස්පාඤ්ඤය අවසන් පූර්ව වටයට සුදුසුකම් ලබාගත්තේ පිළිවෙලින් නවසීලන්තයට එරෙහිව දඬුවම් පහර 4-2 ක ජයක් සහ අයිවරි කෝස්ට් රාජ්‍යයට එරෙහිව ගෝල 5-2 ක ජයක් වාර්තා කරමිනි.
ලෝක පාපන්දු ශ්‍රේණිගත කිරීම්හි ඉදිරියෙන් සිටින ප්‍රංශය, ආර්ජන්ටිනාව සහ ජර්මනිය වැනි ප්‍රබල කණ්ඩායම් බලාපොරොත්තු නොවූ අයුරින් මෙවර ඔලිම්පික් උළෙලේ පළමු ව‍ටයෙන්ම ඉවතට විසිවූහ.
අවසන් වරට පැවැති රියෝ (2016) ඔලිම්පික් උළෙලේදී පාපන්දු රන් පදක්කම දිනාගැනීමට බ්‍රසීලය සමත් වූ අතර එහි රිදී පදක්කම ජර්මනියටද, ලෝකඩ පදක්කම නයිජීරියාවටද හිමිවිය.
-036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
