Reply To:
Eranda - cb chds hcdsh cdshcsdchdhd
අවසන් වරට පැවැති යූරෝ (2016) පාපන්දු තරගාවලියේ ශූරයන් බවට පත් වූ පෘතුගාලය මෙවර යූරෝ (2020) පාපන්දු තරගාවලියෙන් ඉවතට ඇද දැමීමට බෙල්ජියම සමත් විය. ඒ පෘතුගාලයට එරෙහිව ඉරිදා පැවැති අවසන් 16 දෙනාගේ වටයේ තරගයෙන් ගෝල 1-0 ක ජයක් වාර්තා කරමිනි.
පළමු අර්ධය නිමාවීමට විනාඩි 3 ක් ඉතිරිව තිබියදී එනම් 42 වැනි විනාඩියේදී තෝමස් මුනියර්ගේ සහයෝගයත් සමග බෙල්ජියම වෙනුවෙන් ජයග්රාහී ගෝලය ලබාගැනීමට තෝර්ගන් හසාඩ් සමත් විය. දැලට යාර 25 ක් පමණ ඇතින් සිටියදී මුනියර්ගේ පන්දු යොමු කිරීමකින් තමා වෙත පැමිණි පන්දුව දැල රකින්නා පරාජය කරමින් දැල තුළට යොමු කිරීමට තරම් හසාඩ් දක්ෂ විය.
මෙම තරගයට පෙර බෙල්ජියම ලෝක පාපන්දු ශ්රේණිගත කිරීම්හි පෙරමුණේ පසුවූ අතර පෘතුගාලය එහි තෙවැනි ස්ථානයේ රැදී සිටියේය. මූලික වටයේදී රුසියාවට එරෙහිව ගෝල 3-0 ක් ලෙසද, ඩෙන්මාර්කයට එරෙහිව ගෝල 2-1 ක් ලෙසද, ෆින්ලන්තයට එරෙහිව ගෝල 2-0 ක් ලෙසද ජය වාර්තා කළ බෙල්ජියම ‘බී’ කාණ්ඩයේ ශූරයන් ලෙස අවසන් 16 දෙනාගේ වටයට සුදුසුකම් ලැබීය.
බෙල්ජියම හමුවේ පරාජය වීම හේතුවෙන් තරගාවලියෙන් ඉවතට විසිවූ පෘතුගාලය අවසන් 16 දෙනාගේ වටයට පිවිසියේ මූලික වටයේදී එක් ජයග්රහණයක් පමණක් ලබා ‘එෆ්’ කාණ්ඩයේ තෙවැනියා ලෙසිනි. එහිදී හංගේරියාවට එරෙහිව ගෝල 3-0 ක ජයක් ලැබූ පෘතුගාලය, ප්රංශය සමග ගෝල 2-2 ක් ලෙස සම වෙමින් ජර්මනිය හමුවේ ගෝල 4-2 ක් ලෙස පරාජයට පත්විය.
මෙම තරගයේදී ලැබූ ජයත් සමග ජූලි මස 2 වැනිදා අර්ධ අවසන් පූර්ව වටයේදී ඉතාලියට එරෙහිව තරග වැදීම සඳහා බෙල්ජියම අවස්ථාව උදා කරගත්තේය. ‘ඒ’ කාණ්ඩයේ ශූරයන් ලෙස අපරාජිතව අවසන් 16 දෙනාගේ වටයට සුදුසුකම් ලැබූ ඉතාලිය, එහිදී ඔස්ට්රියාවට එරෙහිව ගෝල 2-1 ක ජයක් වාර්තා කරමින් තරගාවලියේ අර්ධ අවසන් පූර්ව වටයට පිවිසියේය.
-036
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.