Reply To:
Eranda - cb chds hcdsh cdshcsdchdhd
ක්රොයේෂියාවට එරෙහිව සඳුදා පැවැති අවසන් 16 දෙනාගේ වටයේ තරගය ගෝල 5-3 ක් ජයගත් ස්පාඤ්ඤය යූරෝ 2020 පාපන්දු තරගාවලියේ අර්ධ අවසන් පූර්ව වටයට සුදුසුකම් ලබාගත්තේය. නියමිත කාලය අවසන් වන විට දෙපිලම ගෝල 3-3 බැගින් ලබා සිටි අතර අතිරේක කාලයේදී ලබාගත් ගෝල 2 ස්පාඤ්ඤයට ජය ගෙන ආවේය.
තරගයේ 20 වැනි විනාඩියේදී ඇස්ටර් ගොන්සාලෙස්, අත්වැරදීමකින් තම දැල තුළටම පන්දුව යොමුකිරීම නිසා ක්රොයේෂියාවට පළමු ගෝලය හිමිවිය. එහෙත් ක්රොයේෂියාවට එම ගෝලයේ වාසිය ලබාගැනීමට ඉඩ නොදෙමින් 38 වැනි විනාඩියේදී ස්පාඤ්ඤය වෙනුවෙන් ගෝලයක් ලබාගත් පැබ්ලෝ සරබියා පළමු අර්ධය නිමාවට පත්වන විට ගෝල 1-1 ක් ලෙස තරගය සම තත්ත්වයට පත්කළේය.
දෙවැනි අර්ධය ආරම්භ වී විනාඩි 12 ක් ගතවන විට (57 වැනි විනාඩියේදී) සීසර් ඇස්පිලිකුවේටාට ගෝලයක් ලබාගැනීම සඳහා දක්ෂ පන්දු යොමුකිරීමක නිරත වූ ෆර්නෑන්ඩෝ ටොරස්, ඉන් නොනැවතී 77 වැනි විනාඩියේදී තවත් ගෝලයක් ලබාගත්තේ ගෝල 3-1 ක් ලෙස ස්පාඤ්ඤය පෙරමුණට ගෙන ඒම සඳහා වැඩි දායකත්වයක් දක්වමිනි.
කෙසේ වුවත් ටොරස්ට නොදෙවෙනි ක්රීඩා විලාශයක නිරත වූ ක්රොයේෂියානු අතිරේක ක්රීඩක මිස්ලාව් ඔර්සික් තරගය නිමාවීමට විනාඩි 5 ක් තිබියදී (85 වැනි විනාඩියේදී) ගෝලයක් ලබාගනිමින් සහ පළමු අතිරේක කාලයේදී (92 වැනි විනාඩියේදී) මාරියෝ පැසලික්ට ගෝලයක් ලබාගැනීම සඳහා දක්ෂ පන්දු යොමුකිරීමක නිරත වෙමින් ගෝල 3-3 ක් ලෙස තරගය නැවත වරක් සම තත්ත්වයට පත්කළේය.
තරගයේ නියමිත කාලය සහ පළමු අතිරේක කාලය අවසන් වන විට දෙපිලම ගෝල 3-3 බැගින් ලබා සිටීම හේතුවෙන් දෙවැනි අතිරේක කාලය ලබාදීමට විනිසුරුවරයා පියවර ගත්තේය. ඩැනී ඔල්මෝගේ දක්ෂ පන්දු යොමුකිරීම් හමුවේ 100 වැනි සහ 103 වැනි විනාඩිවලදී ස්පාඤ්ඤය වෙනුවෙන් තවත් ගෝල 2 ක් ලබාගත් ඇල්වාරෝ මොරටා සහ මයිකල් ඔයාර්සබල් සිය කණ්ඩායමට ගෝල 5-3 ක ජයක් අත්කර දුන්හ.
මෙම තරගයට පෙර ස්පාඤ්ඤය ලෝක පාපන්දු ශ්රේණිගත කිරීම්හි 6 වැනි ස්ථානයේ පසුවූ අතර පෘතුගාලය එහි 14 ස්ථානයේ රැදී සිටියේය. මූලික වටයේදී ස්ලෝවැකියාවට එරෙහිව ගෝල 5-0 ක ජයක් ලැබූ ස්පාඤ්ඤය පෝලන්තය සමග ගෝල 1-1 ක් ලෙසද, ස්වීඩනය සමග ගෝල 0-0 ක් ලෙසද සම වෙමින් ‘ඊ’ කාණ්ඩයේ දෙවැනියා ලෙස අවසන් 16 දෙනාගේ වටයට සුදුසුකම් ලැබීය.
ස්පාඤ්ඤය හමුවේ පරාජය වීම හේතුවෙන් තරගාවලියෙන් ඉවතට විසිවූ ක්රොයේෂියාව අවසන් 16 දෙනාගේ වටයට පිවිසියේ මූලික වටයේදී එක් ජයග්රහණයක් ලබා ‘ඩී’ කාණ්ඩයේ දෙවැනියා ලෙසිනි. එහිදී ස්කොට්ලන්තයට එරෙහිව ගෝල 3-1 ක ජයක් ලැබූ ක්රොයේෂියාව, චෙක් ජනරජය සමග ගෝල 1-1 ක් ලෙස සම වෙමින් එංගලන්තය හමුවේ ගෝල 1-0 ක් ලෙස පරාජයට පත්විය.
මෙම තරගයේදී ලැබූ ජයත් සමග ජූලි මස 2 වැනිදා අර්ධ අවසන් පූර්ව වටයේදී ස්විට්සර්ලන්තයට එරෙහිව තරග වැදීම සඳහා ස්පාඤ්ඤය අවස්ථාව උදා කරගත්තේය. ‘ඒ’ කාණ්ඩයේ තෙවැනියා ලෙස අවසන් 16 දෙනාගේ වටයට සුදුසුකම් ලැබූ ස්විට්සර්ලන්තය, එහිදී ප්රබල ප්රංශයට එරෙහිව දඬුවම් පහර 5-4 ක ජයක් වාර්තා කරමින් තරගාවලියේ අර්ධ අවසන් පූර්ව වටයට පිවිසියේය.
-036
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.