( කටුනායක ටී.කේ.ජී.කපිල )
සී ෂෙල්ස් රාජ්‍යයේ ජාතික නිදහස් දින උත්සවය වෙනුවෙන් පැවති ආරාධිත බොක්සිං තරගාවලියේ දී රන් පදක්කම් 02 ක් , රිදී පදක්කම් 02 ක් සහ ලෝකඩ පදක්කම් 02 ක් දිනා ගත් ශ්‍රී ලාංකික ක්‍රීඩකයෝ අද (26 වැනිදා) අලුයම පෙරළා සියරට පැමිණියහ.
මෙම තරගාවලිය සදහා ශ්‍රී ලංකාවට අමතරව සී ෂෙල්ස් , මුරිසිය , රී - යුනියන් සහ කෙන්යාව යන රටවල් නියෝජනය කරමින් බොක්සිං ක්‍රීඩකයෝ සහභාගී වී සිටියහ .
ශ්‍රී ලංකා බොක්සිං කණ්ඩායමට පාසැල් ක්‍රීඩකයෝ දෙදෙනෙක් සමග ශ්‍රී ලංකා පොලිසිය සහ හමුදාව නියෝජනය කරමින් ක්‍රීඩකයෝ සිව් දෙනෙකු සහභාගී වී සිටියහ .
ශ්‍රී ලංකා බොක්සිං ක්‍රීඩකයෝ අද අලුයම 03.50 ට සී ෂෙල්ස් සිට පැමිණි සී ෂෙල්ස් ගුවන් සේවයේ එච්.එම්.- 262 දරන ගුවන් යානයෙන් කටුනායක ගුවන් තොටුපොළට පැමිණියහ. ඔවුන් පිළිගැනීම සදහා එම පාසැල් වල සිසුන් ගුරු භවතුන්, ශ්‍රී ලංකා පොලිසියේ සහ හමුදා නිලධාරීන් මෙන්ම ශ්‍රී ලංකා බොක්සිං සම්මේලනයේ නිලධාරීහු පිරිසක් ද ගුවන් තොටුපොළ වෙත පැමිණ සිටියහ
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
