(ගම්පහ තිලකරත්න දිසානායක)
ඇෆ්ගනිස්ථාන ජාතික වොලිබෝල් කණ්ඩායම සහ ගම්පහ සියනෑතරු කණ්ඩායම අතර පැවැති ප්‍රදර්ශන වොලිබෝල් තරගයෙන් , සියනෑතරු කණ්ඩායම තරග වට 3-0 ක ජයක් අත්කර ගත්තේය. මෙම තරගය සෙනසුරාදා (30 වැනිදා) රාත්‍රියේදී ගම්පහ සුමේධ විදුහල් ගෘහස්ථ ක්‍රීඩාගාරයේදී පැවැත්විණ.
තරගයේ තරග වට තුනේදී ලකුණු සටහන් වූයේ 25/19, 25/20 සහ 25/19 ක් ලෙසිනි.
සියනෑතරු කණ්ඩායමේ නායකයා ලෙස දීප්ති රොමේෂ් ද, ඇෆ්ගනිස්ථාන ජාතික කණ්ඩායමේ නායකයා ලෙස සභා වූන් ද කටයුතු කළහ.
තරඟයේ දක්ෂතම ක්‍රීඩකයා ලෙස සියනෑතරු කණ්ඩායමේ නායක දීප්ති රොමේෂ් තේරී පත්විය. දක්ෂතම ප්‍රහාරකයා ලෙස ඇෆ්ගනිස්ථාන කණ්ඩායමේ නසීර්ද , දක්ෂතම පන්දු ඔසවන්නා ලෙස සියනෑතරු කණ්ඩායමේ මොරිස් චමින්ද ද තිළිණ හිමි කර ගත්හ.
මෙම ප්‍රදර්ශන වොලිබෝල් තරගය ගම්පහ සියනෑතරු කණ්ඩායම විසින් සංවිධානය කරන ලදි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
